“my hart het joune raakgesien toe sy reg was daarvoor. ‘n onverwagste tweede ontmoeting wat uitgeloop het op liefde waarna ek al lankal verlang.”

​

Saam in laerskool, saam in hoërskool.  Op 10 Junie 2011 het reynhardt die moed om die eerste keer die ja-woord te vra by Serengeti net buite Groblersdal en hulle begin uitgaan.  Shannon is ‘n jaar ouer en dit word ‘n langafstand verhouding.  Van 2013 – 2015 studeer hul beide by Tuks en Shannon spandeer die meeste van haar tyd by Mopanie koshuis!  Hier ontmoet sy die meeste van Reynhardt se vriende en hou hul kuiers by Mopanie Klubhuis wat altyd onthou sal word!  In 2016 begin Shannon werk en weer het hulle ‘n langafstand verhouding.  Shannon is ‘n juffrou wat haar passie vir kinders uitleef, nie net in die klaskamer nie, maar ook op die sportveld.  Die twee se liefde groei en hul verhouding is sterk genoeg, sodat die langafstand nie hulle van mekaar af weghou nie.

​

Die naweek van 27 Desember 2020 breek aan en Reynhardt neem Shannon na ‘n onvergeetlike romantiese naweek by Nkomazi Private Game Reserve.  Na 9 en ‘n halwe jaar het Reynhardt weer die moed om die belangrikste “ja-woord” te vra.  Reynhardt is baie romanties en tussen die bekoring van die natuur en sy romantiese kant, kan Shannon nie wag om ja te antwoord nie. 

​

Groblersdal is die tuiste van die twee in 2021 en in 2022 verhuis hul na Pietersburg waar Shannon haar passie verder uitleef  by Curro Heuwelkruin.  Reynhardt se strewe na sukses en ambisie is duidelik te sien in sy suksesvolle werk as landboukundige.  Pietersburg se wins is dié twee passievolle mense!