“kom ons soen hardop
en baklei saggies!”
sing jy
en dis wanneer ek ophou stry en sê
okay.
want jy, flip -
jy.
jy maak die eenvoudigste dinge lekker
saam met jou is
om-lief-te-wees
alles wat Jesus van gepraat het
(ek wil elke drukkie
en elke gesprek
in ‘n boek iewers bêre
vir die wêreld om eendag te lees)
maar vir eers
gaan ek nog verskriklik lekker lag
spaar vir musiek en
roadtrips
en ‘n huisie
en ‘n hond
ek gaan met jou hare speel
geheime met jou deel
en seker maak ons loop
kaalvoet
rond
want ek het slegs
nou
saam met jou
ons het slegs één keer
om op hierdie plek te leef.