Vir Gustav en Marise, het hul verhouding grootliks ontvou terwyl hulle by die werk was, met hulp van Covid lockdowns... Hulle het begin as werk kollegas, oorbeweeg na goeie vriende, toe kom die crushes op mekaar wat groei, en eindig uiteindelik saam om op 29 Oktober 2022 te trou.

​

Soos almal weet is Gustav ‘n sosiale flinder en kon hy nie alleen werk in die grendeltyd nie, en met die dat hy administratief net geweet het hoe om ‘n beleggingskwotasie te trek, het hy baie rede gehad om in kontak te bly met Marise – die perfeksionis. Eers deur Whatsapp en Zoom, en later deur bymekaar te gaan werk, het die liefde begin blom.

​

Hulle weet beslis hulle het gevoelens vir mekaar lank voordat een van hulle dit hardop sou erken. Maar met ‘n bietjie aanmoediging deur Johan (hulle baas nogal), het Marise haar gevoelens bekendgemaak aan Gustav op sy 27’ste verjaarsdag. Hulle kon dit wel vir 'n rukkie geheim hou van ander kollegas, wat gemaak het dat hulle mede-werkers baie verras was ná die "amptelike" aankondiging op Facebook (sommiges het gedink hulle ​​Facebook-blaaie is gehack).

​

Fast forward twee en ‘n bietjie jaar, en na wat vir Marise gevoel het soos ‘n baie lang wag, het Gustav die groot vraag gevra op ‘n yacht in San Diego hawe.

​

“Everything I Have I Owe To This Job... This Stupid, Wonderful, Boring, Amazing Job.”

– Jim Halpert, The Office, Season 9