’n Skoolliefde wat begin het toe Charl vir Naomi na die matriekafskeid gevra het. Ons was nog net twee kinders wat min geweet het van waarheen die lewe ons sou vat. Ons het nie geweet van al die avonture, veranderinge en kilometers wat nog voorlê nie, maar ons het ’n kans gewaag op mekaar... en dit was die beste besluit wat ons ooit kon neem.

Ná skool het ons die langafstand tussen Durban en Stellenbosch aangepak. Min wetende dat hierdie kilometers eendag klein sou voel in vergelyking met die afstand tussen Suid-Afrika en Hong Kong. Deur die jare het ons geleer dat afstand ’n mens kan toets, maar ook kan wys hoe seker jy van iemand is.

Deur al die kilometers, vlugte, afskeide en weer-ontmoetings het ons besef dat ons nie net ’n liefde vir mekaar het nie, maar dat ons ’n lewe saam wil bou.

Nou is dit tyd om hierdie volgende hoofstuk saam met ons geliefdes te vier. Ons kan nie wag om ons spesiale dag met julle te deel nie!