’n Noord-Kaapse boerseun het vir hom ’n roos in die Boland gaan pluk, ’n eenvoudige gebaar wat begin het met die rykheid van die grond, maar eindig in die rykheid van die hart.

Twee lewenspaaie het gekruis — nie ’n oomblik te vroeg, of ’n dag te laat nie. Op die presiese tyd wat net God kon bepaal, het Hy twee harte wat lank reeds voorberei was, na mekaar toe getrek.

In Sy wysheid en perfekte tydsberekening het Hy die draaie van ons lewens so geweef, dat ons mekaar nie net ontmoet het nie, maar ook herken het: ons is vir mekaar bedoel, geskenk en geseën.

Ons liefde is ’n verhaal van geduld en geloof – ’n kosbare band wat groei met elke dag se sonlig en stilte en ’n bewys dat die mooiste dinge in die lewe hulle tyd neem om te blom.

Nou stap ons verder as één saam met geloof, hoop en ’n hart vol liefde.