Die gesêgde 'teenoorgesteldes trek mekaar aan' was nog nooit méér akkuraat as in die geval van Cellie en Ferdi nie.

Maricelle - die blonde, groenoog nooi, sprankelend, uitgesproke en katjie van die baan!

Ferdinand - tall, dark and handsome, stil, rustig en op sy plek!

Maar tog het die lewe 'n manier gehad om hulle paaie te laat kruis. En wonder bo wonder ontdek hulle toe 'n hele paar goed wat hulle in gemeen het... Soos hulle liefde vir wiskunde, waar alles begin het!! Saam het Maricelle en Ferdi juffrou Briers se wiskunde klas op horings geneem! In matriek was hulle letterlik net vriende! Hulle albei besluit toe om aktuarieël te gaan studeer waar hulle toe vinnig onafskeidbaar geword het, maar steeds, volgens hulle "net maatjies" was. Hulle het só hard probeer om "nét maatjies te wees", dat hulle amper hulle kans tot 'n verhouding misgeloop het! Maar na 'n doodgewone piekniek op LC is hulle uiteindelik gekys! En amper 4 jaar later word die belangrikste vraag op die mees romantiese manier gevra en Cellie sê toe ja! Nie net om sy vrou te word nie, maar om vir altyd saam te lag, hulle liefde vir goeie rooiwyn te deel, gereelde Sushi Sondae te hê en nou vir altyd mekaar se beste vriende te wees! 

In hierdie interessante liefdesverhaal het dit duidelik geword dat hulle verskille mekaar perfek aanvul, en die aspekte wat hulle in gemeen het, hulle verhouding en liefde vir mekaar versterk!