Gerard het vir Marlé via whatsapp geluk gewens met haar 17de verjaarsdag. Hulle het lekker gepraat en Marlé het vinnig besef hierdie outjie is bitter oulik. Sy het hard probeer om die whatsapp gesprek aan die gang te hou en het die woorde “lekker dag”, “nag” en  “bye” ten alle koste vermy. Dis veilig om te sê die whatsapp gesprek is 6 jaar later nog aan die gang. Hy was die stukkie sonskyn in die storm, oor die foon, tydens Marlé se 2 maande van bedrus.

​

Toe Marlé terug is by die skool, skraap die 16 amper 17 jarige outjie al sy moed bymekaar om 'n koffie by Kika, of “wat ookal jy wil" voor te stel. Die kilometer huistoe was vir hom genoeg om die gebeure van die ontmoeting n paar keer in sy gedagtes te laat afspeel. Met ‘n blosende glimlag en maagskoenlappers as aanwysers, het hy besef dis nie die laaste keer wat hy dit wil doen nie. Gelukkig was dit net die eerste van baie koffie “dates” en besoektyd kuiers.

​

Vele avonture later is daar nou ‘n ring aan die vinger en “vir ewig” om ‘n lewe saam te bou.