Ons storie het in 2016 begin. Lisa het ‘n “gap jaar” gevat by Target Life in Pretoria. Deel van die gap jaar was om elke maand op ‘n kamp/ toer te gaan. In Mei moes hulle op ‘n plaas gaan bly om te leer hoe die plaaslewe werk. Lisa was op ‘n neutplaas ingedeel. Syt ‘n dag voor die vertekdatum uitgeruil met iemand anders aangesien sy dodelik allergies is vir neute. So het sy en 6 ander meisies op die Storms se plaas gaan werk vir ‘n week.

Martin was heel verstom toe die 7 meisies die dag in die kombie daar opdaag aangesien hy nie van die reeling geweet het nie. Hyt vriendlik gevra of hulle dalk verdwaal het nadat die meisies hulle tasse begin uitlaai.

Martin het na die week gevra of Lisa dalk ‘n koffie wil gaan drink. Na ‘n hele paar koffies en vele avonture later, is daar ‘n ring aan die vinger en ‘n leeftyd van koffies wat voorlê.