Mense, mense, mense. Janu kan getuig, Instagram is beslis die beste "wingman" daar buite.

16 September 2021 het Janu die belangrikste boodskap van sy lewe gestuur met die hoop vir enige reaksie van Alicia af. Dit was nie 24 uur later nie toe sit ons weerskante van mekaar in Kaapstadt Brauhaus, Waterfront - dit was die begin van ons liefdesverhaal. Dinge het van daar af net floreer en baie vinnig vlam gevat. Ons het aan enige verskoning gedink om by mekaar uit te kom. Dit was nie lank daarna wat ons mekaar se ouers ontmoet het nie.

7 Januarie 2022 het Janu vir Alicia onder die bome met 'n piekniekmandjie gevra om sy meisie te wees. Dit was die langste 4 maande van Alicia se lewe. Ons liefde oor die jare het net sterker geword en elke dag het ons net meer verlief geraak. Dit was nie lank nie of Alicia het vir Janu begin fotos stuur van trouringe en trourokke, maar dit het hom nie afgeskrik nie. Ons is jonk en verlief.

5 November 2023 is ons oppad "om lavender te pluk" by Canette Vallei en Alicia was vas aan die slaap in die kar, min wetend wat die dag in hou. Ons kom daar aan en die plek is toe, nie 'n enkele mens in sig nie. Ons begin deur die lavender loop en selfies neem, in die proses is hy al op sy knie om haar sy verewig liefde te maak. Sy het "JA" gese!

26 Oktober 2024 - Word vervolg